Anggidhan : Aafid
Tanang aorek nuangagi pekker
Se carkalacer maske gun sacangker
Tretan….., neko banni mimpe
Sanajjan dika tedung e amper
Maddha jaga mi’pola palasdha
Sanaossa pangoladhan jaman pon aoba
Jejjer dha dhabun bangaseppo…. parlo
Careta pon nabui seantero Jaba Madura
Emongging bara’ dhari kottha Songennep
Kasebbut Asma Kacamatan Luk-Guluk
Se kaalok kottha santre sareng Pahlawan
Bukte nyata, ngacak pon salencak
Ja’ Kyae Abdullah Sajjad, potra Kyae Sarkowi
Menangka pahlawan, seabhilla Nagara
Se molja kapaksa ridha’ etenggar
Sardhadu Balendha, kalaban tega mangga
Sedaddhi sabab, semolja tegger, jekjek
Alaban, ngoja Balandha ta’ cobbha
Sanajjan sanjata, se ta’ kappra
Moso terros akareb raja kaangguy ajaja
Bharisan sabil ta’asat sareng se molja
Seyasat panjajah asare rembak roba
Ka oreng baba se eparcaja abhala
Esettong sa’at keyae molae esare, ekeppong
Ekennengngan kosong seppe, edhajana rosong
Se molja sa abiddha paggun ta’aoba
Dhabuna, …..sakaleyan Mardika….. paggun…. Mardika
Bula ta’ bisa narema dika, anggger mate…..
Allaahuakbar……, Allaahuakbar…….!
Tebha….. tenggar epette’, ngajendar edada
Dhara ngaler…… ngamera ta’ sakera
Sakse aromana ro’om salapangan Luk-guluk
Emongging temor lao’ se kasohor
Kennengngan sedhana, se abakta ka sowargana
A bhilla nagara, sareng bangsana.
Penting diketahui bahwa puisi berbahasa Madura ini merupakan karya H. Muhammad Hafid alias Aafid yang saat ini menjadi Ketua Panitia Pelaksana Peringatan Hari Ulang Tahun (HUT) ke-80 Republik Indonesia di Kecamatan Guluk-Guluk, Kabupaten Sumenep.
Puisi ini juga dilombakan dalam momentum Peringatan HUT ke-80 RI Kecamatan Guluk-Guluk tahun ini.